الكثير من العراقيين والعرب يحبون الشعر العراقي لاسيما شعر الغزل لما فيه من كلمات قوية
المعاني، إليكم أبيات غزل غاية في الروعة
ابيات غزل عراقيه ورومانسيه للعشاق.
ذكرياتك باقيــــــــــــه ولا ماتــــغيب
لأن دوم اگبالــــــي ماأنساهـــــــــــه
ولسه كلماتك ابـــــــــالي ومـــاتروح
روحـــــــــك الطيبة وعلي شمحلاهه
عـــــــــندك المرحبه والاهلاً صفات
الــــــــــــوادم بشبگات تتلگاهـــــــــه
يبو ضحكه الحلوه في وكت الصعاب
اشگــــــــــــد صبر عندك وتتلافاهـه
انته كـــــــل موقف چنت تگصد عليه
وبختك الياصعبه مــــــــــــــــاحلاهه
شلون ننساك واخــــــــو انته وحبيب
اشتاگت المهجه الك وانــــي اعتنيت
وروحي ملهوفـــــــــه اشكثر تلگاهه
گبرك يناديني لاتذرف دمــــــــــوع
يگلي افــــــــــــرح روحي لاتنعاهه
يمي جـــــــون وعابس ولمة شباب
والشهادة اهواي انــــــــــــه اتمناهه
نــــم قرير العين بس صعب الفراق
ايام صعبـــــــــــه اخلافك العشناهه
ماغبت عنه ابـــــــــــــد لا مستحيل
وعشرة الغالـــــــــــي تظل ذكراهه
اتمنه نسكن بالنجف يـــــمك نصير
وكـــــــــــل صباح الدارك اتعناهه
تبقه نبراس وشرف يارعد
ورايتك ربك تــــــــــــــره العلاهه
لأن لجـــــــل الدين ضحيت الحياة
وشي اكـــــــــــــيد المكرمه تلگاهه
تبقه حي انته ابــــــــــد لا ماتموت
وروحك الجنه وعــــــــلي مثواهه
………………………………………………………………………..
ابيات غزل وشجن عراقيه جميله ومؤثره.
للشاعر عبد الحسين الحلفي:
أحبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
على المراية وگفـت ما شفت وجهي
وشفت وجهك طلعلي وگمت احاچيك
وثبت بمرايتي وجهـك مرايات
واباوع وجهها مرايتي بيك
بگذلتك شِّد رگبتي وطلع الروح
اريدنها بعد تتگرب إعليك
انت بحضني واگول بعيد
اريدن هيچ كون آنه انخبط بيك
بيا شارع مشيت گبالي الاگيك
افوت بغير شارع هم الاگيك
ارد للبيت گبلي الگاك بالباب
اطب گبلي تطب وتگلي اتانيك
بغيرك فكرت كلت آنه انساك
طلع غيرك يشبهك وفكرِّت بيك
طلع غيرك يشبهك وفكرِّت بيك
اشعار غزل عراقي
- شعر غزل يخبل
- شعر عراقي يخبل
- عبارات غزل للنائم
