المدح للحبيب أو الصديق أو الزوج من خلال الشعر له رونق واحساس رائع، إليكم شعر
جميل في المدح:
شخص الا منه مضى لي معه يوم
اندم على ايام مضت قبل ما القاه
احتاج له لا صار في صدري هموم
ولو ينكسر ساقي تسندني يمناه
جعل المعزة بيننا دايم الدوم
هذا الرفيق اللي من الصعب تنساه
****
سلام يا حر على بيض الاوكار
حر مواقيعه بروس الجبالي
حر ليا وقع وحر ليا طار
وحر يهابونه قروم الرجالي
حلياه تذهل كل عاشق وصقار
عند العرب يضرب بطيبه مثالي
****
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
****
دايم على بالي ولا يوم ناسيك
وانته لزيم الروح وأكثر شويه
بدرب المعزه أشهد اني مخاويك
وأخترت شخصك بين كل البريه
الرب يعلم بالغلا كثر مغليك
ودايم مكانك في الشموخ العليه
يعجبني الواثق سليم النوايا
نهجه على وضح النقا مايهمه
،
واكره من المرتاب كل السوايا
مهما مدح نفسه سواته تذمه
ـــــ
مدح النشاما واجب دون مصلوح
ولا الردي مامدحه لو هو بنا خي
نمدح رجال بالفخر تبني صروح
ربع على گبد الردي تنجح الكي
ـــــ
الكفووو فوق المعالي دايم يحتلها
لاجيت ترقى مكانه ماتحصل طريق
تجف الاقلام في مدح الكفو كلها
محال تلقى قصيده في جنابه تليق
ـــــ
الجود شيخ تملكه عدة أطراف
بس المراجل حالفه أنّك ولدها
عريب واجد وحاوين كل الأعراف
دنياك جنّة بس فعلك رغدها
كن العلوم الطيبة عندك أهداف
صارت فريسة وأنت كنّك أسدها
****
قم يا نديبي بالعجل واحمل النّص
وصل كتابي والأمانه على شاص
شاص خليجي للنّشاما مخصص
شد البلد مضمون عن كل الأنقاص
مرسله للّي يفعل الطّيب مخلص
طبيعته دايم على الطّيب حراص
****
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
****
يا سائلا عني من القلب لبيه..
صوتك عزيز وغصب عنا نلبيك..
مثلك من الاجواد لاشك نغليه ..
ونفتح لك ابواب الخفوق ونحييك ..
واشري رضى من يشتريني وارضيه..
واقول له بالروح والعين نشريك…
****
سر يا قلم و أكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و أكتب لهم شيك محبه مفتوح الحساب
يسحبون من رصيد الغلى و أبد ما ينقصونه
****
أكتبه شعري عسى شعري يجود
بالحروف إللي حلاها من حلاك
كل حرف ما بلغ وصفك حسود
لعنبو قاف عجز يلحق مداك
****
لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..
****
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك
أشعار مدح في شخص غالي
