الشعر السودانى من احلى الأشعار لدي العرب، فيما يلى شعر سودانى جميل يحبة الكثير:
شعر سودانى دارجى لعوض موسي فضل السيد:
سيمفونيه الجمال
نهلة
لما تجتاح المشاعر
موجه الشوق و الحنين
لما تصبح اغنياتنا
لهفه الريد و الأنين
لما نسأل عن صباحك
يا المسافر بالسنين
كيف بننهل من عيونك
نهله ترويها العيون
كيف بنحكيك شوقنا ليك
لوعه الروح و الشجون
كيف و كيف يا النائى دربك
فى الغروب بين السكون
********
نهله كم علمتى روحنا
كيف تحن تشتاق توافي
تكسر الخط الموازي
وتمشي للزمن الخرافي
ترسم اللحظات حديقة
وتكتب الدمعات قوافي
تمسح الحزن الضبابي
وترسى فحضن المرافئ
تسألك يا اغلي غالي
أنتى كيف حالك عوافي
أنتى يا الحلم المسافر
يا الرحيق يا الشهد صافي
ملهمه ليلنا و صباحنا
لو تزورى و لو تجافي
*******
نهله ما شافت عيوني
فى الجمال قبلك خيالي
لوحه كان فان جوخ رواها
غنيه فالزمن المثالي
سيمفونيه بلا نهاية
فى ربيع احلي الليالي
نجمه فاعلي المجرة
تضوى للشهب العوالي
نفحه بالطيب و المحبة
علمت روحنا التعالي
إية اقول يا نور عيوني
غير بريدك و غير تعالي
وإية اقول يا اسمي معنى
اشعار سوداني
- شعر سوداني جميل
